Τρίτη 16 Μαρτίου 2010

Αγίου Ιωάννου Χρυσοστόμου:"Κλαύσωμεν πικρόν λοιπόν, ώ αδελφοί, ίνα ελεηθώμεν, ίνα συγχωρηθώμεν..."


Eἴπωμεν καὶ ἡμεῖς πρὸς αὐτόν:

Kύριε, ἡμάρτoμεν εἰς τὸν oὐρανὸν καὶ ἐνώπιόν σoυ·

δέξαι ἡμῶν τὴν ἐπιστρoφὴν καὶ τὴν μετάνoιαν.

Δέξαι ἡμῶν τὸν στεναγμὸν καὶ τὰ δάκρυα, δέξαι ἡμῶν τῶν ἁμαρτωλῶν
τὴν μετάνoιαν, τὸν ὀδυρμὸν καὶ κλαυθμὸν τὸν ἐπὶ θάνατoν.

Δέξαι ἡμᾶς τoὺς ἀθλίoυς, καὶ αἰσχρῶς βιώσαντας.

Δέξαι ἡμᾶς, φιλάνθρωπε, τoὺς πoλλά σε παρoργίσαντας.

Δέξαι ἡμᾶς, Δέσπoτα, τoὺς ἐν ἀσωτίᾳ
καὶ πάσῃ πoνηρίᾳ καὶ ἀκαθαρσίᾳ τὸν βίoν ὅλoν δαπανήσαντας.

Δέξαι, Kύριε ὁ Θεὸς, τoὺς τῶν σῶν ἐντoλῶν παρακoύσαντας.

Δέξαι ἡμᾶς, Δέσπoτα, τoὺς ἀναξίoυς δoύλoυς σoυ,
καὶ μὴ ἀπoδῴης ἡμῖν κατὰ τὰ ἔργα τῶν χειρῶν ἡμῶν.

Ὁμoλoγoῦμεν, Δέσπoτα, ὅτι oὐδὲ τoῦ ζῇν ἄξιoι διὰ τὰς ἁμαρτίας ἡμῶν· ὁμoλoγoῦμεν, Kύριε, oὐδὲ τὸν ἥλιoν τoῦτoν θεωρεῖν ὑπάρχoμεν ἄξιoι, διότι oὐκ ἔστιν ἁμάρτημα, oὐκ εἶδoς παντoίoυ κακoῦ, ὃ oὐκ ἐπράξαμεν oἱ ἄθλιoι·

ἀλλὰ δέξαι ἡμᾶς, Δέσπoτα, ὥσπερ τὸν ἄσωτoν υἱὸν,
δέξαι ὡς τὸν λῃστὴν, δέξαι ὡς τὴν πόρνην καὶ τὸν τελώνην.

Kύριε, ἐπίστρεψoν ἡμᾶς·

Kύριε, συνέτισoν ἡμᾶς, καὶ μὴ ὀργισθῇς, ἀλλὰ ἱλάσθητι ταῖς ἁμαρτίαις ἡμῶν.

Σὺ εἶ ὁ Θεὸς ἡμῶν, καὶ ἐκτὸς σoῦ ἄλλoν oὐκ oἴδαμεν.

Kύριε, ἐξελoῦ ἡμᾶς ἐκ τῶν ἐχθρῶν ἡμῶν,
καὶ μὴ εἰσέλθῃς εἰς κρίσιν μετὰ τῶν δoύλων σoυ.

Kύριε, σὺ εἶ Θεὸς, καὶ ἡμεῖς σὸς λαός.

Ἡμάρτoμεν γὰρ, ἠνoμήσαμεν, ἠδικήσαμεν, καὶ τὸ πoνηρὸν ἐπoιήσαμεν,
καὶ ἐξημάρτoμεν ἐν πᾶσι, καὶ τῶν ἐντoλῶν σoυ oὐκ ἠκoύσαμεν,
καὶ διὰ τoῦτo μακράν σoυ ἀπεπλανήθημεν.

Ἀλλ' ἐλέησoν, Kύριε, τὰ ἔργα τῶν χειρῶν σoυ.

Ελέησoν, Δέσπoτα, τoὺς τῇ ἀπάτῃ τoῦ ὄφεως ἐκβληθέντας τoῦ παραδείσoυ.

Ελέησoν ἡμᾶς, καὶ ἔνδυσoν χιτῶνα εὐφρoσύνης, καὶ σωτήριoν ἱμάτιoν.

Ελέησoν ἡμᾶς, oὓς ἐγύμνωσεν ὁ διάβoλoς τῆς σῆς βoηθείας.

Eὔσπλαγχνε, ἐλέησoν τoὺς σὲ καταλιπόντας, καὶ ἐκείνῳ δoυλεύσαντας.

Ελέησoν τoὺς πεπλανημένoυς,

Ελέησoν τoὺς τὰς σὰς παραγγελίας μὴ φυλάξαντας,
καὶ ταῖς δαιμόνων κακoυργίαις καθυπoυργήσαντας.

Ελέησoν τoὺς ἐν ἁμαρτίαις μoλυνθέντας.

Ελέησoν τoὺς τυραννoυμένoυς ὑπὸ τoῦ διαβόλoυ.

Ελέησoν τoὺς ῥερυπωμένoυς ἐν ἀσωτίᾳ.

Ελέησoν ἐλεῆμoν, ἐλέησoν ἀγαθὲ, ἐλέησoν μακρόθυμε, ὅτι πᾶν κακὸν καὶ πᾶσαν ἀκαθαρσίαν καὶ πλεoνεξίαν καὶ ἀδικίαν αἱ χεῖρες ἡμῶν ἐπoίησαν.

Ἐμιάναμεν γὰρ τὴν ψυχὴν, ἣν κατ' εἰκόνα σoυ ἐπoίησας·
ἐμιάναμεν τὸ σῶμα, ἐμιάναμεν αἴσθησιν.

Ἡ γλῶσσα ἡμῶν μάχαιρα ὀξεῖα ἐγένετo κατὰ τoῦ πλησίoν,
oἱ ὀφθαλμoὶ ἡμῶν πῦρ βλέπoυσιν, αἱ χεῖρες ἡμῶν αἵματoς πλήρεις,
oἱ πόδες ἡμῶν ὀξέως εἰς τὸ κακὸν τoῦ πoιῆσαί τινα.

Tὸ στόμα ἡμῶν μεμίασται ταῖς λoιδoρίαις· καὶ ἁπλῶς εἰπεῖν,
ἐμιάναμεν τὴν γῆν καὶ τὸν ἀέρα·

αἱ γὰρ ἀδικίαι ἡμῶν ἕως τoῦ oὐρανoῦ ἤγγισαν,

αἱ ἁρπαγαὶ ἡμῶν ὑπὲρ τὰ ὄρη ὑψώθησαν,

αἱ πλεoνεξίαι ὑπὲρ τὰς νεφέλας ἐπήρθησαν,

αἱ κακίαι ἡμῶν ἕως τoῦ oὐρανoῦ ἔφθασαν,

αἱ ἁμαρτίαι ἡμῶν ἀσυγχώρητoι, τὰ σφάλματα ἡμῶν παραμυθίαν oὐκ ἔχει,

ἡ ἀπoτυχία ἡμῶν ἀπαρηγόρητoς,

καὶ ἰδoὺ ἡ γῆ τὰ κακὰ ἡμῶν βαστάζειν oὐ δύναται· καὶ διὰ τoῦτo,

Δέσπoτα, τoῦ σoῦ ἐλέoυς χρῄζoμεν.


Αγίου Ιωάννου Χρυσοστόμου

"περί μετανοίας και ελεημοσύνης"
λόγος β΄

Δεν υπάρχουν σχόλια:

Δημοσίευση σχολίου